§ 1 Powšykne zasady

Permalink zu Abs. 1recht.nulegal.eu/gesetze/SWSchulV/1#abs-1 Kopieren ⧉(1) Pósrědnjanje a spěchowanje znaśow a rozměśe serbskeje identity, kultury a stawiznow su wósebne nadawki šule. W šulach w starodawnem sedleńskem rumje Serbow we zmysle § 3 pódstawk 2 Serbskeje kazni (starodawny sedleński rum) maju wósebnje serbska rěc, stawizny a kultura se do kubłańskego źěła zapśimjeś.

Permalink zu Abs. 2recht.nulegal.eu/gesetze/SWSchulV/1#abs-2 Kopieren ⧉(2) Europska charta regionalnych abo mjeńšynowych rěcow a ramikowe dojadnanje za šćit narodnych mjeńšynow stej zakład rědowanja šulskich kubłańskich nastupnosćow Serbow w Bramborskej.

Permalink zu Abs. 3recht.nulegal.eu/gesetze/SWSchulV/1#abs-3 Kopieren ⧉(3) W starodawnem sedleńskem rumje ma se wšyknym wuknicam a wuknikam zmóžniś, aby pó wustajenjach toś togo póstajenja nawuknuli dolnoserbsku rěc a w pśedmjatach, rědowniskich schójźeńkach a lětnikach, kótarež se maju póstajiś, se w dolnoserbskej rěcy rozwucowali. Šule w starodawnem sedleńskem rumje informěruju starjejšych, wuknice a wuknikow zawcasa do zachopjeńka šulskego lěta, w pśizjawjeńskem casu, wó móžnosćach nawuknjenja a woplěwanja dolnoserbskeje rěcy.

Permalink zu Abs. 4recht.nulegal.eu/gesetze/SWSchulV/1#abs-4 Kopieren ⧉(4) Šule, kótarež wósebnje se pśiwobrośuju woplěwanju, spěchowanju a pósrědnjanju serbskeje rěcy a kultury a pórucuju dolnoserbske kubłańske pórucenja abo take z dolnoserbšćinu ako jadneju z wjele rěcow, se pśez kraj spěchuju a pódpěruju.

Permalink zu Abs. 5recht.nulegal.eu/gesetze/SWSchulV/1#abs-5 Kopieren ⧉(5) Ceptaŕki a ceptarje muse dostaś móžnosć, sebje znaśa dolnoserbskeje rěcy pśiswójś a pódłymiś. Planowanje wu-, do- a dalejkubłanja za ceptaŕki a ceptarjow źiwa na kulturu a stawizny Serbow. Statny šulski amt informěrujo na pśigódnu wašnju wó aktualnych pórucenjach wu-, do- a dalejkubłanja.

Permalink zu Abs. 6recht.nulegal.eu/gesetze/SWSchulV/1#abs-6 Kopieren ⧉(6) Płaśe rědowanja danego póstajenja kubłańskego pśeběga, jo-lic w tom póstajenju se nic wótchylajucego njerědujo.

Permalink zu Abs. 7recht.nulegal.eu/gesetze/SWSchulV/1#abs-7 Kopieren ⧉(7) Kraj ma w Chóśebuzu Źěłanišćo za serbske kubłańske wuwijanje (ABC). K jogo nadawkam słuše wuźěłanje wucbnych a wuknjeńskich srědkow, wuwijanje ramikowych planow wšyknych lětnikow a dokubłanje ceptaŕkow a ceptarjow za wucbu w pśedmjaśe serbšćina inkluziwnje za to trjebny personal.

Einzelnorm