§ 3 Serbšćina ako wucbny pśedmjat

Permalink zu Abs. 1recht.nulegal.eu/gesetze/SWSchulV/3#abs-1 Kopieren ⧉(1) Pśedmjat serbšćina słužy w zakładnej šuli k tomu, aby nawuknuli abo dalej wuwijali kompetence powědanja, rozmějucego šłyšanja, pisanja a cytanja. Maminorěcne kompetence maju se pśez se góźece napšawy a metody wósebnje spěchowaś. Wuknice a wukniki lětnikow 1 do 6, kótarež kśě dolnoserbsku rěc nawuknuś a pódłymiś, maju pšawo se wobźěliś na wucbje w pśedmjaśe serbšćina.

Permalink zu Abs. 2recht.nulegal.eu/gesetze/SWSchulV/3#abs-2 Kopieren ⧉(2) W sekundarnyma schójźeńkoma I a II móžo serbšćina se pórucyś ako wucbny pśedmjat. Wuknice a wukniki wót lětnika 7 su wopšawnjone se wobźěliś na wucbje w pśedmjaśe serbšćina, gaž móžoš na zakłaźe eksistěrujucych znaśow wócakowaś, až mógu se z wuspěchom na wucbje wobźěliś. Rozsuźijo fachowa konferenca abo w pśedmjaśe serbšćina rozwucujuca ceptaŕka abo ceptaŕ.

Permalink zu Abs. 3recht.nulegal.eu/gesetze/SWSchulV/3#abs-3 Kopieren ⧉(3) Jo-lic to organizatoriske wuměnjenja dopušćiju, mógu wuknice a wukniki, kótarychž wugbaśa w dolnoserbskej rěcy su tak wuwite, až su pominanjam direktnje slědujucego lětnika zrosćone, na pšosbu starjejšeju se wobźěliś w pśedmjaśe serbšćina na wucbje direktnje slědujucego lětnika. Njedosegaju-li znaśa w dolnoserbskej rěcy pó změnje do drugeje šule, aby se mógali wobźěliś na wucbje togo lětnika w pśedmjaśe serbšćina a dowóliju-li to organizatoriske wuměnjenja, móžo wuknica abo wuknik zachopiś wucbu w tom pśedmjaśe w nišem lětniku abo se wobźěliś na wucbje serbšćiny ako cuza rěc.

Permalink zu Abs. 4recht.nulegal.eu/gesetze/SWSchulV/3#abs-4 Kopieren ⧉(4) Za kubłańske pórucenje w pśedmjaśe serbšćina płaśe pśi rozsuźenjach wó póstupjenju abo pśesajźenju a pśi pśiznaśu wótzamknjonych šulskich wukubłanjow póstajenja danego kubłańskego pśeběga za cuze rěcy. Pśi tom pśedmjat serbšćina se w kubłańskich pśeběgach sekundarnego schójźeńka I pśipóznajo ako obligatoriski abo wólny pśedmjat, nic pak ako pśedmjat kupki pśedmjatow I.

Einzelnorm